2019-cu ilin yekunlarına həsr olunmuş müşavirədə Azərbaycan Prezideneti İlham Əliyev əmlakın sığortalanması üzrə çox ciddi addımlar atılması barədə hökumətə tapşırıq verdi.

“Hesab edirəm ki, bu il və bundan sonrakı illərdə əmlakın sığortalanması, o cümlədən maarifləndirmə ilə bağlı çox ciddi addımlar atılmalıdır. Bu məsələ ilə bağlı müxtəlif tədbirlər keçirilməlidir, atılacaq addımlar haqqında vətəndaşlara ətraflı məlumat verilməlidir. Hökumətə tapşırıram ki, bu məsələyə diqqət yetirsin. Eyni zamanda, bu, ölkəmizin sığorta sektorunun inkişafına müsbət təsir göstərəcəkdir”,- Prezident bildirdi.

Fins.az xəbər verir ki, tanınmış sığorta eksperti İlkin İbrahimov Prezidentin tapşırığını şərh edib:

"Hökumətə tapşırıq, yəni Nazirlər Kabinetinə tapşırıqdır. Nazirlər Kabineti Əmlak Xidməti ilə İcbari Sığorta Bürosu arasındakı inteqrasiyanı təmin etməlidir, yazılacaq cərimə üçün protokol nümunəsini hazırlanmalıdır.  Mərkəzi Bank da öz növbəsində sığorta şirkətlərinə yerini göstərməlidir".

© Marja