Express Bank bank risklərinin təhlili şöbəsində mütəxəssis/aparıcı mütəxəssis vəzifəsinə vakansiya elan edir.

Fins.az-ın məlumatına görə, bankın vakansiya ilə bağlı öhdəlikləri və tələbləri təqdim olunub.

Təsvir:

• Kredit risklərinin idarəedilməsi metodologiyasının inkişaf etdirilməsi, inteqrasiya edilməsi və davamlılığının təmin edilməsində iştirak etməsi;
• MB-nın qüvvədə olan qaydalarına uyğun olaraq kreditlərin düzgün və vaxtında təsnifləşdirilməsinin təmin edilməsi;
• Şöbənin fəaliyyətinə dair həftəlik və aylıq hesabatın hazırlanması və şöbə müdirinə təqdim edilməsi;
• Mərkəzi Bankın tələbi ilə kredit, bazar, likvidlik və əməliyyat riskləri üzrə hesabatların təqdim edilməsi;
• Əsas kredit risk faktorlarının müəyyən edilməsi və monitorinqi, həmçinin təklif olunan həlləri hazırlamaq üçün portfel səviyyəsində məlumatların təhlil edilməsi;
• Stress-test modellərinin hazırlanması, tətbiq edilməsi, modellərin daimi təkmilləşdirilməsi və nəticələri ilə bağlı hesabatların verilməsi;
• Bank risklərin təhlili prosesində lazımi hesabatlıqların tərtib edilməsi, əsas risk indikatorlarına dair məlumatların toplanması və analizlərin həyata keçirilməsi;
• Filial və baş ofis struktur bölmələrində aparılan biznes proseslərin qiymətləndirilməsi, risklərin optimallaşdırılması məqsədi ilə monitorinqlər keçirilməsi və təkliflərin verilməsi;
• Bank risklərinin ölçülməsi və modellərin seçilməsi üzrə təkliflərin hazırlanması və tətbiqi prosesində iştirak edilməsi;
• Şöbənin və Bankın digər strukturların fəaliyyətinə aid prosedur, təlimat və qaydalara rəyin verilməsi;
• İdarəedici informasiya sistemi və risklərin ölçülməsi modellər ilə bağlı gündəlik, aylıq, rüblük, və illik hesabatların layihəsinin hazırlanması;
• Şöbə müdirinin digər tapşırıqlarının yerinə yetirilməsi.

Bizim üstünlüklərimiz:

• Tibbi sığorta;
• Bilik və bacarıqlarının təkmilləşdirilməsi üzrə təlimlər;
• Professional və maddi inkişaf perspektivləri;
• Peşəkar korporativ mühitdə işləmək imkanı.

Tələblər:

• Ali təhsil;
• Təcrübə (mütəxəssis üçün): Kredit və ya bazar risklərinin idarə edilməsi sahəsi üzrə 1 ilə qədər təcrübə;
• Təcrübə (aparıcı mütəxəssis üçün): Kredit və ya bazar risklərinin idarə edilməsi sahəsi üzrə 3 ilə qədər təcrübə;
• Microsoft office proqramları üzrə biliklər;
• Oracle SQL proqlamlaşdırma dili ilə işləmək bacarığı;
• Azərbaycan dili səlis, rus və ingilis dili arzu olunandır;
• Mərkəzi Bankın normativ xarakterli qaydaları üzrə biliklərin yaxşı səviyyədə olması;
• Komandada işləmə bacarığı;
• Analitik təhlil və bazar araşdırması sahəsində təcrübəsi olan namizədlərə üstünlük verilir.