VƏZİFƏ ÖHDƏLİKLƏRİ: • Müəssisə tərəfindən həyata keçirilən bütün maliyyə-təsərrüfat əməliyyatlarının mühasibat uçotu hesabında (həmçinin mühasibat uçotu registrlərində) düzgün əks etdirilməsini, ona nəzarəti, operativ məlumatların təqdim edilməsini, mühasibat (maliyyə) hesabatlarının müəyyən edilmiş müddətlərdə tərtib və təqdim edilməsi; • Qəbul olunmuş pul vəsaitlərinin, əmtəə maddi qiymətlilərin və əsas fondların hesabının düzgünlüyünə, onların hərəkəti ilə bağlı əməliyyatların mühasibat uçotunda vaxtında əks etdirilməsinə, materialların, yanacağın, elektrik enerjisinin, pul vəsaitinin sərf olunmasının düzgünlüyünə, məxaric smetasına riayət olunmasına, ilkin sənədlər əsasında hesabat tərtibinin qaydasına, eləcə də müəssisə, idarə və təşkilatın bölmələrində inventarizasiya və mühasibat uçotunun aparılmasının təşkilini həyata keçirmək; • əmək haqqının hesablanmasını və ödənilməsini, aylıq maliyyələşmənin hazırlanmasını təmin etmək, əmək haqqı kartlarının sifarişini hazırlamaq və uçotunu aparmaq; • xəzinə və bank hesabları üzrə əməliyyatların aparılması ilə bağlı müvafiq sənədlərin hazırlanması yerinə yetirmək, daxili və xarici ezamiyyələrin Nazirlər Kabinetinin normalarına və Agentliyin daxili qaydalarına uyğun hesablanmasını və təhtəlhesab şəxslərlə hesablaşmaları həyata keçirmək; • Müvafiq illər üzrə büdcənin hazırlanması, həmçinin icrasına nəzarət etmək; • hesabat dövrünün sonuna yaxın malsatanlarla debitor və kreditor borclara dair üzləşmə aktlarını tərtib etmək; • Maliyyə şöbəsinin daxili proseduları ilə bağlı qaydaları hazırlamaq. TƏLƏBLƏR: • Ali təhsil (Maliyyə, mühasibat uçotu və audit, iqtisadiyyat və s. aidiyyəti ixtisasları üzrə); • Yaş həddi 27-45 aralığı; • İxtisası üzrə azı 4 il iş stajı; • Mühasibat uçotunun beynəlxalq standartları üzrə biliklərin olması • MS Office proqramlarını və 1C (8.3 UPP) proqramını mükəmməl səviyyədə bilməli; • Rus və ya ingilis dilini səlis bilməsi arzuolunandır; • Operativlik, dəqiqlik və yüksək icraçı bacarığı. DİGƏR: • Əmək haqqı müsahibənin nəticəsinə əsasən müəyyən olunacaqdır; • İş qrafiki: 09:00 – 18:00 / nahar fasiləsi 13:00 – 14:00; • İstirahət günləri: şənbə və bazar günləri; Energetika Nazirliyinin tabeliyində olan Enerji Məsələlərini Tənzimləmə Agentliyi Azərbaycan Respublikası Prezidentinin 22 dekabr 2017-ci il 1750 nömrəli Fərmanı ilə yaradılmışdır və Azərbaycanda elektrik və istilik enerjisi, habelə qaz təchizatı sahələrində istehsalçılar, paylayıcılar, təchizatçılar və istehlakçılar arasında münasibətlərin şəffaflıq prinsipi çərçivəsində tənzimlənməsini, müəssisələrin fəaliyyətinin operativ və dəqiq təhlilini, investisiyaların cəlb edilməsi üçün stimullaşdırıcı mexanizmlərin hazırlanmasını, mühəndiskommunikasiya təminatı sistemlərinə və xidmətlərin keyfiyyətinə dair tələblərə əməl edilməsinə nəzarəti həyata keçirən publik hüquqi şəxsdir. • Vakansiya üzrə müraciətin son müddəti: 12 fevral 2021-ci il • İş yerinin ünvanı: Bakı şəhəri, Heydər Əliyev pr. 152, Çinar Plaza Vakant vəzifə ilə maraqlanan şəxslər anketlərini foto ilə birlikdə [email protected] poçt ünvanına göndərə bilərlər. Müraciətin mövzu hissəsinə mütləq şəkildə vakansiyanın adını (Maliyyə - baş mütəxəssis) qeyd edin.
