Yaxın Şərqin əhəmiyyətli aşağı büdcəli hava yollarından biri olan Air Arabia-nın Misirdə yerləşən şirkəti Air Arabia Egypt, aprelin 2-dən etibarən Türkiyəni uçuş şəbəkəsinə əlavə edir. Aviaşirkət Qahirə ilə İstanbul Sabiha Gökçen Hava Limanı arasında həftədə üç gün qarşılıqlı uçuşlara başlayacaq.

Fins.az xəbər verir ki, uçuşlar Airbus A320 seriyalı sərnişin təyyarələri ilə həyata keçiriləcək.

Yay cədvəlində olan reyslər qarşılıqlı olaraq çərşənbə axşamı, cümə axşamı və şənbə günləri yerinə yetiriləcək. E5 987 reysi Qahirə hava limanından saat 11.10-da qalxacaq. A320 saat 14.25-də İstanbul Sabiha Gökçen hava limanına enəcək.

Eyni təyyarə İstanbul Sabiha Gökçen Hava Limanından saat 15.20-də E5 988 reysi ilə yola düşəcək. Təyyarə saat 16.30-da Qahirə hava limanına çatacaq.

Yeni marşrutun açılması ilə bağlı açıqlama verən Air Arabia Qrupunun baş icraçı direktoru Adel Əl Əli deyib:

“Air Arabia Egypt üçün daha bir mühüm mərhələ olan Qahirədən İstanbula yeni fasiləsiz reyslərimizi təqdim etməkdən məmnunuq. Bu yeni istiqamət sərnişinlərimizə əngəlsiz səyahət variantları təqdim edəcək. Qahirə Beynəlxalq Hava Limanı ilə Sabiha Gökçen Beynəlxalq Hava Limanı arasında həftədə üç dəfə həyata keçiriləcək uçuşlar təkcə əlaqəni gücləndirməklə yanaşı, iki şəhər arasında artan səyahət tələbini də qarşılayacaq" dedi.

Əl Əli həmçinin, "Qahirə Beynəlxalq Hava Limanı ilə Sabiha Gökçen Beynəlxalq Hava Limanı arasında həftəlik üç uçuş yalnız əlaqəni gücləndirməklə yanaşı, iki şəhər arasında artan səyahət tələbini də qarşılayacaq" dedi.

Air Arabia Egypt, İstanbulun əlavə edilməsindən sonra Qahirə və İsgəndəriyyədə, o cümlədən Şarja, Berqamo, Maskat, Bəhreyn, Dammam, Qassim, Əmman, Ciddə, Riyad, Təbuk, Taif, Əlcuf, Hail, Abha və Cizan da daxil olmaqla cəmi iki əsas mərkəzi fəaliyyət göstərir və 16 istiqamətə uçur.

Airbus A320 və A321LR tipli təyyarələrdən istifadə edən şirkət uçuş istiqamətlərinin sayını artırmağı hədəfləyir.

Günel Məlikzadə
Fins.az