Əgər kifayət qədər cəsarətlisinizsə, 13-cü cümə günü səyahət üçün ən sərfəli gün ola bilər.

Fins.az xəbər verir ki, səyahət axtarış motoru Kayak-a görə, uğursuzluğa inanmırsınızsa, bu cümə günü səyahət etmək daha ucuz başa gələcək.

Belə ki, yanvarın 13-də Avropaya uçuşlar təxminən 39 faiz, Böyük Britaniya daxilində uçuşlar isə təxminən 19 faiz ucuz olub.

Bu gün Kayak-a görə ən sərfəli qiymətə malik olan tarixlərdən biridir.

Buna səbəb isə mövhumatların tələbata təsir edəcəyini proqnozlaşdıran aviaşirkətlər və səyahət təminatçıları ilə bağlı ola bilər. Hətta bəzi aviaşirkətlər, o cümlədən KLM, Ryanair və Lufthansa, təyyarələrdə oturacaq sıralarını nömrələyərkən 13 rəqəmini buraxırlar.

KAYAK EMEA-nın vitse-prezidenti Laure Bornet bildirib ki, mövhumatçı olmayanlar, 13-cü cümə günü səyahət etməklə puluna qənaət edə bilər.

Məhəbbət Məmmədov
Fins.az