Yaponiya Hava Yolları (JAL) bu həftə özünün yeni yüksək texnologiyalı Airbus A350-1000 təyyarəsinin interyerini nümayiş etdirib. Təxminən 20 ildən sonra bu aviaşirkətin beynəlxalq xidmətdə yeni flaqmanı olacaq.

Fins.az xəbər verir ki, JAL Airbus-dan 13 böyük, geniş gövdəli təyyarə sifariş edib. Təyyarənin ilkin olaraq Tokio (Haneda) - Nyu-York (JFK) marşrutu üzrə noyabrın sonlarında istifadəyə verilməsi planlaşdırılmışdı.

Lakin, bu müddət komponentlərin çatdırılmasına təsir edən tədarük zəncirinin kəsilməsi səbəbindən təxirə salınıb. Yeni təyyarənin ilin sonuna qədər uçuşa çıxacağı bildirilib.

Günel Məlikzadə
Fins.az