Finss.az - Palliativ yardım klinikasının baş həkimi Sara Holms insanın həyatının son günlərində və saatlarında yaşadığı fizioloji və emosional dəyişikliklərdən danışıb.

S.Holms bildirib ki, çoxları palliativ yardımı yalnız ölümə hazırlıq kimi qəbul edir, lakin əsl məqsəd insanın həyatının son anına qədər rahat və ağrısız yaşamasını təmin etməkdir:

"Ölüm prosesi adətən çox sürətli və sakit keçir. Həyatının son sutkasında insan yorğun olur, çox yatır və az yeyir, çünki həzm tədricən yavaşlayır. Qan dövranı yavaşlayır, dəri rəngi dəyişir, nəfəs almanın ritmi pozulur, arada fasilələr yaranır. Nəticədə nəfəs alma və ürək döyüntüsü dayanır, sonra isə beyin fəaliyyəti dayandırılır. Adətən insanlar sadəcə dünyasını dəyişir və bunun fərqində olmur."

S.Holms əlavə edib ki, həyatın son saatlarında çıxarılan xırıltılı səslər əzab və ağrı demək deyil:

“Bu cür nəfəs alma ağrısızdır və bədənin tənəffüsünün azalması, oksigen ehtiyatının tükənməsi ilə izah olunur.”

Palliativ yardımın əsas məqsədi xəstənin rahatlığını maksimum təmin etmək, ailəyə dəstək vermək və həyatın son dövründə mümkün qədər səmərəli tibbi qayğı göstərməkdir.