Finss.az - Prezident İlham Əliyevin imzaladığı Fərmana əsasən, 2024-cü il iyulun 1-dən etibarən Azərbaycanda sosial müavinətlərin, Prezident təqaüdlərinin və fəxri adlara görə təqaüdlərin məbləğləri artırılıb.

Müavinətlərin yeni məbləğləri aşağıdakı kimi müəyyən edilib:

Əlilliyə görə müavinətlər:

• 81–100% funksional pozuntuya görə – 300 manat

• 61–80% funksional pozuntuya görə – 250 manat

• 31–60% funksional pozuntuya görə – 180 manat

Digər sosial müavinətlər:

• Ailə başçısını itirməyə görə – 140 manat

• Müddətli hərbi qulluqçuların uşaqlarına – 140 manat

• Valideynsiz və himayəsiz uşaqların qəyyumlarına – 140 manat

• Aztəminatlı ailələrin bir yaşınadək uşaqlarına – 140 manat (hər uşaq üçün)

• Beş və daha çox uşağı olan qadınlara – 140 manat (hər uşaq üçün)

• Övladlığa götürülən uşağa – 240 manat

Himayədar ailədəki əlilliyi müəyyən edilmiş uşaqların tərbiyəsinə görə:

• 0–6 yaş: 500 manat

• 7–13 yaş: 600 manat

• 14–18 yaş: 650 manat

Digər müavinətlər:

• Uşağın anadan olmasına görə – 600 manat

• Dəfn üçün – 600 manat

Bu dəyişikliklər əhalinin sosial rifahının yaxşılaşdırılmasına yönəlib və 1 iyul 2024-cü ildən qüvvəyə minir.