Dövlət İmtahan Mərkəzinin İdarə Heyətinin sədri Məleykə Abbaszadə ali təhsil müəssisələrinə qəbul üzrə müsabiqənin nəticələrini açıqlayıb.

Fins.az xəbər verir ki, M.Abbaszadə I mərhələdən sonra tələbə qəbulu aparılan 44 ali təhsil müəssisəsinin 25-də plan yerləri 95%-dən çox dolduğunu deyib. Xüsusilə, aşağıdakı 8 ali təhsil müəssisəsində plan yerləri tamamilə dolub:

• Azərbaycan Tibb Universiteti
• Azərbaycan Respublikasının Prezidenti yanında Dövlət İdarəçilik Akademiyası
• ADA Universiteti
• Azərbaycan Dövlət Dəniz Akademiyası
• Bakı Ali Neft Məktəbi
• Dövlət Gömrük Komitəsinin Akademiyası
• Azərbaycan İlahiyyat İnstitutu
• Azərbaycan Əmək və Sosial Münasibətlər Akademiyası

Həmçinin, ilk dəfə tələbə qəbulu aparılan Qarabağ Universitetinin plan yerləri 98.57%, Türkiyə – Azərbaycan Universitetinin plan yerləri 96.67%, İtaliya – Azərbaycan Universitetinin plan yerləri isə 95.52% dolub.

Bu göstəricilər ali təhsil müəssisələrində tələbə qəbulunun yüksək səviyyədə başa çatdığını və müvafiq sahələrdə əhəmiyyətli artım olduğunu göstərir.

Fuad Mədətov
Fins.az