Ötən il pensiya artımında vahid indeksasiya metoduna keçirilib, bütün pensiyalar 14,7 faiz indeksləşdirilərək artırılıb.

Fins.az xəbər verir ki, bu barədə əmək və əhalinin sosial müdafiəsi nazirinin müavini Anar Əliyev mətbuat konfransı zamanı deyib.

Onun sözlərinə görə, pensiyaların orta məbləği 436 manata, yaşa görə pensiyanın orta məbləği 467 manata çatdırılıb və ümumilikdə ötən il pensiya ödənişləri 5,7 milyard manat təşkil edib:

"Müavinət ödənişləri 24% artırılaraq ümumilikdə 500 minə yaxın şəxsi əhatə edib, 378 min nəfərə Prezident təqaüdü ödənişi aparılıb. Ünvanlı dövlət sosial yardımının bir ailəyə düşən orta aylıq məbləği 487 manat olub".

Fuad Mədətov
Fins.az