29 sentyabr 2022-ci il tarixində Azərbaycan Respublikasının Prezidenti cənab İlham Əliyev 2023-cü ilin ölkəmizdə “Heydər Əliyev İli” elan edilməsi haqqında sərəncam imzalayıb.2023-cü il mayın 10-da Azərbaycan xalqının Ümummilli Lideri, müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin anadan olmasının 100 ili tamam olur.

Fins.az xəbər verir ki, Bununla əlaqədar olaraq, Bakı Fond Birjasının təşkilatçılığı ilə aprelin 28 də saat 10:00-12:00-da “Heydər Əliyev İli”-nə həsr edilmiş silsilə tədbirlər çərçivəsində mütəşəkkil kapital bazarının aktiv iştirakçısı olan Azərbaycan Respublikasının Mərkəzi Bankı, Milli Depozit Mərkəzi, Azərbaycan Fond Bazarı İştirakçılarının Assosiasiyası və dəyərli üzvlərimiz olan İnvestisiya Şirkətlərinin iştirakı ilə birjanın inzibati binasında görüş keçirilib.

Qeyd edək ki, Bakı Fond Birjası mütəmadi olaraq silsilə tədbirləri təşkil etməkdədir.