“ASAN xidmət”in, “Yelo Bank”ın və Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəliyinin birgə təşkilatçılığı ilə  sosial aksiya təşkil olunub.

Fins.az xəbər verir ki, Ramazan bayramı münasibətilə təşkil olunan aksiya Tərtər rayonunun işğaldan azal olunmuş Talış kəndində reallaşdırılıb. Məqsəd tarixi Azərbaycan torpağı olan ərazilərdə yenidən milli-mənəvi dəyərlərimizi bərpa etmək, öz dədə-baba torpaqlarına qayıtmış vətəndaşlarımıza bayram sevincini yaşatmaqdır.

Qarabağ İqtisadi Rayonunda Bərpa, Tikinti və İdarəetmə Xidmətinin dəstəyi ilə reallaşdırılan aksiya çərçivəsində Talış kəndinin sakinləri üçün işğaldan azad olunandan sonra ilk iftar süfrəsi açılıb. Həmçinin orada yaşayan ailələrə bayram sovqatları təqdim olunub.

Diqqətə çatdırılıb ki, Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə rəşadətli Azərbaycan Ordusu tərəfindən 44 gün ərzində işğal altında olan torpaqlarımız, o cümlədən Talış kəndi düşməndən azad edilib.

VİDEONU BURADAN İZLƏYƏ BİLƏRSİNİZ