Finss.az - Fransa Prezidenti Emmanuel Makron ABŞ Prezidenti Donald Trampın Kanadadan Vaşinqtona niyə vaxtından əvvəl qayıtdığını dəqiq bilmir.

Bu barədə Tramp özü “Truth Social” sosial şəbəkəsində açıqlama verib.

Tramp Makronun fikrinin yanlış olduğunu bildirərək, Vaşinqtona getməsinin səbəbinin İsrail və İran arasında atəşkəs məsələsi ilə əlaqəli olmadığını vurğulayıb. “Diqqət çəkməyə çalışan şəxs səhvən bildirib ki, mən G7 sammitini tərk edib Vaşinqtona atəşkəs üzərində işləmək üçün getmişəm. Bu doğru deyil! O, mənim niyə getdiyimi bilmir, amma bunun atəşkəs ilə heç bir əlaqəsi yoxdur. Məsələ daha ciddidir. Emmanuel həmişə hər şeyi səhv başa düşür”, — deyə Tramp qeyd edib.

Qeyd edək ki, bu günlərdə Kanadada keçirilən “Yeddilik Qrupu” (G7) sammitində ABŞ Dövlət Katibi Marko Rubio da vaxtından əvvəl ölkəni tərk edərək ABŞ-a qayıdacağı barədə məlumat yayılmışdı.