Finss.az - Norveç hökuməti ABŞ bazarına daxil olan Norveç mallarına 15%-lik tarif tətbiq edilməsi ilə bağlı Vaşinqtonla danışıqlar aparmaq niyyətindədir.

Norveçin baş naziri Yonas Qar Störe bu barədə cümə axşamı NRK ictimai televiziya və radio şirkətinə verdiyi müsahibədə bildirib.

Qeyd edək ki, yeni tarif çərşənbə günü ABŞ prezidenti Donald Tramp tərəfindən elan edilib və dünya üzrə ticarət tərəfdaşlarını hədəfləyən daha geniş təşəbbüsün bir hissəsidir.

Baş nazir Störe bu addımı "çox ciddi" kimi qiymətləndirib və Norveç ixracatına potensial mənfi təsirlərindən narahatlığını ifadə edib. Bununla belə, o, danışıqlar üçün imkanın mövcud olduğunu və hökumətin bu imkandan maksimum istifadə edəcəyini vurğulayıb.

"Amerikalıların dediyi kimi, burada danışıqlar üçün imkan var və biz bu imkandan bütün mümkün yollarla istifadə edəcəyik", – deyə Störe qeyd edib.

Hazırda Norveç tərəfi ABŞ hökuməti ilə rəsmi əlaqələr qurmağa çalışır və tarif məsələsinin həlli üçün müzakirələr aparmağa hazır olduğunu bildirir.