Fins.az xəbər verir ki, hekayədə baş verən hadisə real həyatdan götürülüb.
 

"Gecə yarısında bir zəng səsi məni qəfil oyatdı. Gözlərimi açanda anamın həyəcanlı səsini eşitdim. Zəng xəstəxanadan idi – təcili olaraq ora getməli idik. Xəstəxanaya çatdıqda atam artıq gözlərini həyata əbədi yummuşdu.

Atam ailəmizi dolandırmaq üçün var gücü ilə işləyirdi. Günlərlə evə gəlməz, gecə növbəsində yük maşını (TIR) sürərək uzun səfərlərə çıxardı. Elə uzun sürən səfərlərin, gərgin iş qrafikinin təsirindən sükan arxasında yuxuya getmiş və ağır qəzaya düşmüşdü. Hadisə gecə saatlarında, Bakı-Qazax magistralında, Göygöl rayonunun Hacıməlik kəndi ərazisindən keçən hissəsində qeydə alınmışdı.

Bacım ödənişli əsasla universitetdə təhsil alırdı və bu ailəmizi böyük bir maliyyə yükü altına salmışdı. Eyni zamanda, mən də ali məktəbə hazırlaşırdım və bu da bizim üçün əlavə bir məsrəf demək idi. Bütün bu gərginliklərə baxmayaraq, atam heç vaxt şikayət etməz, öz gücünü sonadək sərf edirdi.

Atamın vəfatından sonra anama bankdan tez-tez zənglər gəlirdi. Atam bacımın təhsil ödənişi və bizim xərclərimizi qarşılamaq üçün bankdan kredit götürmüşdü. Anam bundan xəbər tutanda artıq bankdan gələn zənglərə cavab verməməyə başladı, çünki bu krediti ödəməyə maddi gücümüz yox idi.

Bir dəfə anam təsadüfən bankdan gələn zənglərdən birinə cavab verdi. Zəngdə ona atamın götürdüyü kreditin həyat sığortası tərəfindən ödəniləcəyini söylədilər. Bu xəbərin doğruluğuna inanmadıq, anam banka yaxınlaşdığı zaman xəbərin doğruluğu təsdiqləndi. Biz heç zaman belə bir şeyin mümkün olduğunu düşünməzdik, ölkədə həyat sığortasının belə bir növünün olduğunu bilmirdik.

Sonradan məlum oldu ki, atam kredit götürərkən “kredit həyat sığortası”-na qoşulmuşdu. O, həyatının son illərində ürəyi ilə bağlı problemlər yaşayırdı və görünür, bu vəziyyəti nəzərə alaraq, ailəsinin maliyyə yükü altına düşməməsi üçün qabaqcadan ehtiyatını görmüşdü. O kreditin bizə yük olmaması üçün öncədən ehtiyatını görmüş, sanki bizə son bir qayğısını göstərmişdi.

Həyat Sığortası tərəfindən atamın bütün qalan kredit borcları ödənildi. Həyat sığortasının nə qədər vacib olduğunu o zaman dərk etdik. Həyatın gözlənilməzliyi qarşısında həyat sığortasının nə qədər vacib olduğunu o vaxt anladıq."
 

Zemfira Ms
Fins.az