Ləğv prosesində olan “Standard Insurance” sığorta şirkətinin ləgvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 (dörd) mənzil onların ümumilikdə satış qiyməti olan  831.250 (səkkiz yüz otuz bir min iki yüz əlli) manata təkrar açıq hərraca çıxarılacaqdır. Hərrac “Əmlak Hərrac Mərkəzi” MMC tərəfindən 14  iyun 2022-ci ildə  saat 11:00-da (növbəlilik qaydasında) keçiriləcək.

 

"Fins.az" xəbər verir ki, hərracda iştirak üçün satış qiymətinin 1%-i, yəni 8.312,5  (səkkiz min üç yüz on iki manat əlli qəpik)  məbləğində beh ödənilməlidir. 

 

Hərrac predmetinin ətraflı təsviri aşağıdakı cədvəldə öz əksini tapmışdır: 

Hərrac barədə daha ətraflı məlumatla aşağıdakı linkde tanış ola bilərsiniz: 

//birjanews.az/herrac-elanlar/458

Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə  satışının təşkili davam edəcəkdir  və bu barədə ictimaiyyətə əvvəlcədən məlumat veriləcəkdir.

Xatırladaq ki, əmlak ilkin olaraq 2.000.000 (iki milyon) manata şatışa çıxarılmışdır. 

LPO “Standard Insurance”-ın sığorta şirkətinin ləğvetmə komissiyası