Azərbaycan sığorta bazarının ən iri şikrətlərindən olan “Azərsığorta” Dövlət Sığorta Şirkəti işçilərin əmək şəraitinin daha da yaxşılaşdırılması məqsədi ilə 09 mart tarixindən etibarən fəaliyyətini yeni ünvanda davam etdirir.

Müasir standartlara cavab verən yeni ofis Bakının Cəlil Məmmədquluzadə küçəsi 102A ünvanında yerləşir. Ofisdə işçilərlə yanaşı müştərilər üçün də əlverişli şərait yaradılıb.

Bubarədə "Fins.az"-a məlumat verən “Azərsığorta” şirkətinin mətbuat katibi Elnur Hüseynquluyev  bildirib ki, yeni ofisə köçməkdə əsas məqsədimiz əməkdaşlarımızın iş şəraitinin yaxşılaşdırılması ilə yanaşı, müştərilərimizə göstərə biləcəyimiz sığorta xidmətlərinin operativliyini və keyfiyyətini artırmaqdır. Ümumiyyətlə, müştəri məmnuniyyəti səviyyəsinin daha da artırılması, müştərilərimizin sığorta xidmdətlərinə ayıracağı vaxtı minimuma endirmək Şirkəmizin əsas strateji hədəflərindən biridir.

Keyfiyyətli xidmətin təmin olunması üçün şirkət tərəfindən atılan addımalara toxunaraq "Bu istiqamətdə Şirkətimiz tərəfindən atılan addımlardan biri keyfiyyətin daha da yüksəldilməsinə xidmət edəcək yeni strukturun formalaşdırılmasıdır. Bildirirəm ki, “Azərsığorta” şirkəti müasir və korporativ şirkətə çevrilməsi ilə bağlı aparılan yeniləmə işlərini bundan sonra da uğurla davam etdirəcək” , - deyə mətbuat katibi qeyd edib.