İpoteka və Kredit Zəmanət Fondunun (İKZF) xətti ilə ölkə vətəndaşlarına verilən ipoteka kreditləri üzrə həyatın və əmək qabiliyyətinin itirilməsi halı ilə bağlı son 5 ildə ümumilikdə 228 sığorta hadisəsi baş verib.

Bu barədə Fonddan bildirilib.

Məlumata görə, həmin sığorta hadisələri ilə bağlı borcalanların 7 028,8 min manat məbləğində kredit öhdəliyini İKZF-nin müvəkkil sığorta şirkətləri tam bağlayıb.

O cümlədən ipoteka krediti ilə mənzil əldə etmiş və Vətən müharibəsində şəhidlik zivəsinə ucalmış, eləcə də sağlamlığını itirmiş 74 vətəndaşın 3,4 milyon manat məbləğində kredit borcu ödənilib.