AtaSığorta şirkətində kadr dəyişiklikləri baş verib.

Səhmdarların Ümumi Yığıncağının qərarına əsasən Korporativ Sığortaçılıq Departamentinin direktoru Vüqar İbrahimov İdarə Heyəti sədrinin müavini vəzifəsinə təyin olunmuşdur. Qeyd edək ki, Vüqar İbrahimov sığorta sahəsində fəaliyyətinə 2006-cı ildə başlamışdır. Beynəlxalq Sığorta Şirkəti, Günay Sığorta, AzSığorta kimi şirkətlərdə müxtəlif rəhbər vəzifələrdə işləmişdir. İdarə Heyəti sədrinin müavini Toğrul Qaçayev isə İdarə Heyəti sədrinin müşaviri vəzifəsinə təyin edilib.

Hüquq Departamentinin direktoru Xətai İsmayılov İdarə Heyəti sədrinin müavini vəzifəsinə təyin edilmişdir. Xətai İsmayılov 2011-ci ildən “AtaSığorta” ASC-də Hüquq Departamentində müxtəlif vəzifələrdə, 2017-ci ildən Hüquq Departamentinin direktoru vəzifəsində işləyib.

2016-cı ildən etibarən “AtaSığorta” ASC-də fəaliyyətə başlamış Naim Məmmədov Hüquq departamentinin direktoru vəzifəsinə təyin edilmişdir. Naim Məmmədov 5 il ərzində şirkətdə müxtəlif vəzifələrdə işləmişdir. Son tutduğu vəzifə Hüquq Departamentinin direktor müavini vəzifəsi olubş.

Sığorta sektorunda satış sahəsində geniş təcrübəyə malik olan Seymur Əliyev Korporativ Sığortaçılıq Departamentinin direktoru təyin edilmişdir. Seymur Əliyev sığorta sahəsində fəaliyyətinə 2011-ci ildə “AzSığorta” ASC-də başlamış, 10 il ərzində sığorta mütəxəssisindən departament direktoru vəzifəsinə yüksəlib.