Fins.az - Keçən həftə dünya rəngli metallar bazarı sabitlik nümayiş etdirdi – vahid trend və əhəmiyyətli dəyişikliklər qeydə alınmadı.

Bununla yanaşı, Çin polad bazarı ABŞ-ın keçmiş prezidenti Donald Trampın tarif siyasəti ilə bağlı yeni qərarlarını gözləməklə müşahidəçi mövqedə qaldı. Mütəxəssislərin fikrincə, dünyada regional proteksionizm siyasətinin genişlənməsi qlobal iqtisadi artımın sürətini zəiflədə bilər. Xüsusilə də, ixrac yönümlü Çin iqtisadiyyatı üçün bu proses yeni iqtisadi problemlərə səbəb ola bilər.

Eyni zamanda, Rusiyada metallurgiya bazarında qiymətlərin tədricən azalması müşahidə edilir. MetalTorg-un məlumatına əsasən, Mərkəzi region üzrə metal ticarətinin qiymətləri indeksi ötən həftə ərzində 0,5% və ya 4,55 bənd aşağı düşüb. Bu tendensiya bazarda tələbatın zəifləməsi ilə bağlıdır. Tələb azalmasını həm sahə statistikası, həm də şirkətlərin verdiyi məlumatlar təsdiqləyir.

Bu vəziyyət regional bazarlarda qeyri-müəyyənlik yaradır və ticarət əlaqələrinə mənfi təsir göstərir. Ekspertlər iqtisadi risklərin artdığı bir dövrdə bazar iştirakçılarının daha ehtiyatlı addımlar atacağını proqnozlaşdırırlar.