Fins.az - Çin Xalq Bankı, altı aylıq fasilədən sonra noyabr ayında qızıl ehtiyatlarını artırıb.

Mərkəzi bankın rəsmi məlumatlarına görə, ötən ay qızıl ehtiyatları 160.000 troy unsiya artaraq ümumilikdə 72,96 milyon troy unsiyaya çatıb.

Bu addım, Çin hökumətinin valyuta dəyərsizliklərinə qarşı ehtiyatlarını şaxələndirməyə və qızılın yüksək qiymətlərindən faydalanmağa davam etdiyini göstərir. Bank, bu ilin əvvəlində qızıl alımlarını 18 ay ardıcıl artırmış, bu da qızılın qiymətlərinin yüksəlməsinə təsir etmişdi.

Son dövrlərdə qızılın qiyməti rekord səviyyəyə çatıb. Oktyabr ayında Yaxın Şərq və Ukraynadakı gərginlik, habelə ABŞ-da baş tutan prezident seçkiləri ilə əlaqədar olaraq qoruyucu aktivlərə olan tələbin artması buna səbəb olub. Lakin, Donald Trampın qələbəsi və Yaxın Şərqdəki gərginliyin azalmağa başlaması nəticəsində qızılın qiyməti bir qədər gerilədi.

Çinli istehlakçılar arasında qızılın populyarlığı azalsa da, investorlar arasında bu metalın qoruyucu xüsusiyyətləri, iqtisadi qeyri-müəyyənliklərə qarşı mübarizə məqsədilə hələ də yüksək tələbat görməkdədir.