Azərbaycanda 20-yə yaxın rayonun bəzi kəndlərində qazın verilməsində problem yaranıb.

“Azəriqaz”ın mətbuat katibi Ceyhun Səfərov fins.az-a bildirib ki, axşam saatlarından ölkənin 20-yə yaxın rayonun müəyyən yaşayış məntəqələrində, əsasən kənd yerlərində qazın verilməsində kəsintilər olub: “Bununla bağlı araşdırma aparılır və paralel olaraq qazın verilməsi bərpa edilir”.

Şikayətçilərdən daxil olan məlumata görə, dünən axşam saat 21 radələrindən Neftçala, Masallı, Hacıqabul, Sabirabad, Lənkəran və digər rayonlarda qazın verilməsində kəsintilər əmələ gəlib.