Bu ilin yanvar-noyabr aylarında İqtisadiyyat Nazirliyi yanında Əmlak Məsələləri Dövlət Xidməti (ƏMDX) dövlət büdcəsinə 139,2 milyon manat vəsait köçürüb.

Fins.az bu barədə quruma istinadən xəbər verir ki, bu, ötən ilin eyni dövrü ilə müqayisədə 25,75 % çoxdur.

11 aylıq ödənişin 110 milyon manatı özəlləşdirmə, 29,2 milyon manatı isə icarə hesabına təmin edilib. Bunlar isə 1 il əvvələ nisbətən 26,2 % və 27 % çoxdur.

Hesabat dövründə Dövlət Xidməti 49 özəlləşdirmə hərracı (8,6 % az) keçirib. Həmin hərraclarda 9 səhmdar cəmiyyətinin (43,75 % az) səhm paketi, 14 kiçik dövlət müəssisəsi (7,7 % çox), 3 yarımçıq tikili (50 % çox), 488 nəqliyyat vasitəsi (9,3 % az) özəlləşdirilib. Hərraca çıxarılmış dövlət əmlakları üzrə 301 elektron sifariş (16,6 % az) qəbul edilib, hərraclarda iştirak etmək məqsədilə “Elektron hərrac” proqram təminatı vasitəsilə 61 onlayn qoşulma (37,8 % az) reallaşıb.

Ötən 11 ayda 3 177 yeni icarə müqaviləsi (13 % az) bağlanılıb. Bunlardan 758-i qeyri-yaşayış (3,9 % az), 2 419-u isə torpaq sahələrinə (15,5 % az) dair olub.

Fuad Mədətov
Fins.az