01 Noyabr

Rayonlarda iş axtaranların nəzərinə- ƏMƏK YARMARKALARI BAŞLAYIR

Aprel ayından etibarən respublikamızın bölgələrində növbəti əmək yarmarkalarının keçirilməsinə başlanacaq. Azərbaycan Respublikası Əmək və Əhalinin Sosial Müdafiəsi Nazirliyindən fins.az-a verilən məlumata görə, işaxtaran və işsiz vətəndaşların münasib işlə təmin olunması Dövlət Məşğulluq Xidmətinin 2015-ci ilə dair İş Planında nəzərdə tutulub. İl ərzində respublikanın 55 rayon və şəhərində əmək yarmarkalarının təşkil olunacaq. Yarmarkalarda işaxtaran və işsiz vətəndaşlara boş iş yerləri təklif olunmaqla, müvafiq hallarda onlar mövcud əmək bazarının tələblərinə uyğun peşələr üzrə hazırlıq kurslarına və haqqı ödənilən ictimai işlərə cəlb ediləcəklər. Yarmarkalar zamanı müvəqqəti xarakterli işlərlə təmin olunmaq istəyən vətəndaşlar üçün Səyyar Əmək Birjalarının iştirakı da təmin ediləcək. Bununla yanaşı, qeyd olunan İş Planına uyğun olaraq, gənclərin əmək bazarına çıxışının dəstəklənməsi və səmərəli məşğulluğunun təminatı məqsədilə ölkəmizin ali təhsil müəssisələrində tələbə və məzunlar üçün «Karyerada ilk addım» devizi altında aktiv məşğulluq tədbirlərinin təşkili də planlaşdırılır.