Son vaxtlar dünya bazarında İsveçrə saatlarının satışları azalıb.Fins.az xəbər verir ki, bu barədə İsveçrə Saat İstehsalçıları Federasiyası bəyan edib. Federasiyanın məlumatına görə, iyulda İsveçrə saatlarının satışında son 5 ildə ən böyük enmə qeydə alınıb. Belə ki, iyul ayında İsveçrədən saat ixracı ötən ilin iyul ayına nisbətən 10% azalaraq 1,9 milyard franka enib. Xüsusilə Asiya bazarlarında İsveçrə saatlarının satışları kəskin azalıb. Belə ki, Çində saat ixracı 40%, Cənubi Koreyaya 20%, Honkonqa ixrac isə 29% azalıb.