Azərbaycan Mərkəzi Bankı (AMB) bu gün depozit hərracında 350 mln. manat cəlb edib. Bu barədə Fins.az-a AMB-dən məlumat verilib.

“Mərkəzi Bank dekabrın 24-də keçirilən hərracda 350 mln. manat məbləğində vəsait cəlb edib. Hərrac zamanı təklif 433 mln. manat təşkil edib, orta ölçülmüş faiz dərəcəsi 8,92%-dək artıb”, - deyə məlumatda bildirilir.

Vəsaitlər 14 gün müddətinə cəlb edilib.

Xəbər verildiyi kimi, AMB depozit hərraclarının keçirilməsinə 2016-cı ilin iyun ayında başlayıb.*