Cari ilin ikinci rübü ilə müqayisədə üçüncü rübdə Amrahbank ASC-nin faiz gəlirləri 63% artaraq 5 milyon 975 min manat təşkil edib.Bankın qeyri-faiz gəlirlərində 59% artım qeydə alınaraq 5 milyon 739 min manat təşkil etmişdir. O cümlədən xarici valyuta əməliyyatları üzrə xalis gəlirlərdə də artım müşaidə olunub və ötən dövrdə bank tərəfindən 1 milyon 135 min manat gəlir əldə olunmuşdur. Amrahbank son 3 ay ərzində əməliyyat gəlirlərini 1 milyon 442 min manat artırmışdır.

Qeyd etmək lazımdır ki, Amrahbankın aktivləri cari ilin birinci yarısı ilə müqayisədə196 milyon 216 min manatdan 207 milyon 43 min manata artmışdır.

Bankın kredit portfeli keçən rüblə müqayisədə 10 milyon802 min manat artaraq 30 sentyabr 2018-ci il tarixində 120 milyon 708 min manattəşkil etmişdir.

Hər bir bankda olduğu kimi Amrahbankınfəaliyyətində də dayanıqlı maliyyə mənbəyi kimi daimi maliyyə resurslarının formalaşması və müştəri etimadı faktorunun göstəricisi kimi depozit portfeli müstəsna əhəmiyyət kəsb edir.Beləki, Amrahbankın cəlb olunmuş vəsaitlərindədə artım müşahidə olunmuşdur. İkinci rüblə müqayisədə əhalinin müddətli və tələbli əmanətlərinin həcmi 11 milyon 791 min manat artaraq 161 milyon 497 min manat olmuşdur.