Çin Mərkəzi Bankı (PBOC) ölkənin milli valyutası yuanın rəsmi məzənnəsini 377 bənd möhkəmlədərək ABŞ dollarına nisbətdə 6,2816 CNY-yə çatdırıb. Fins.az xəbər verir ki, "Report" Rusiya mətbuatına istinadən xəbər yayıb ki, bu, yuanın Amerika valyutası qarşısında 2015-ci ilin avqust ayından bəri ən yüksək həddidir.

Qeyd edək ki, Çində milli valyutasının məzənnəsinin möhkəmlənmə prosesi 2017-ci ilin dekabr ayından etibarən, Pekində keçirilmiş iqtisadi işlər üzrə mərkəzi konfransdan sonra müşahidə olunur. Tədbirdən sonra yuan hər gün bahalaşıb və CNY/USD nisbəti 6,3 səviyyəsində sabitləşib.

Xatırladaq ki, 2015-ci ildə yuan dollara nisbətən 6%, 2016-cı ildə isə 6,7%, 2017-ci ildə isə 6,28% güclənib.

"Report"un analitik qrupu bildirir ki, yuanın bahalaşmasına səbəb ABŞ-la Çin arasında ticarət mühariubəsidir. Rəsmi Vaşinqton Çinin ixrac potensialının artaraq qlobal rəqabət qaydalarını pozduğunu nəzərə alaraq həmişə yuanın ucuzlaşmasına qarşı olduğunu bəyan edib.