"Yapı Kredi Bank Azərbaycan" nizamnamə kapitalını 8,57 milyon manat və yaxud 18,3% artıraraq 46 810 703,88 manatdan 55 380 703,88 manata çatdırıb. Fins.az Renkinq-ə istinadən xəbər verir ki, kapital artımı üçün dövriyyəyə hər birinin nominal dəyəri 0,02 manat olan 428,5 milyon ədəd yeni səhm buraxılıb.

Qiymətli kağızları Bankın mövcud səhmdarları alıblar. Proses yekunlaşdıqdan sonra səhmdarların pay bölgüsündə dəyişiklik olmayıb.