Expressbank Elektron Hökümət portalına qoşulub. Bankdan fins.az-a verilən məlumata görə, bu, müştərilərə kreditləri elektron arayışla təklif etməyə imkan verir.
“Bu xidmət vasitəsilə vətəndaşlar vaxt itkisinə yol vermədən, banka getmədən onlayn rejimdə portala daxil olaraq, avtomatik formalaşan arayışı elektron şəkildə banka göndərə bilərlər”, - bankın məlumatında deyilir.
Hazırda, Expressbank-ın MXD, Mərkəz, Yasamal, Neftçilər və Sumqayıt filiallarında e-arayışlardan istifadəyə start verilib və yaxın zamanda digər filiallarda da tətbiq olunacaqdır.

Qeyd edək ki, Expressbank müştərilərə milli valyutada kredit təklif etməkdə davam edir. Müştərilər Expressbank filiallarına müraciət etməklə, manatla kredit rəsmiləşdirə bilərlər. Kreditin məbləği 10000 AZN-dək, maksimal müddəti isə 36 ay ola bilər.

Expressbank-ın xidmət şəbəkəsi 17 filialdan ibarətdir. Onlardan 12-si Bakı və Sumqayıt şəhərlərində, 5-i isə ölkənin Gəncə, Mingəçevir, Qusar, Xaçmaz və Şirvan şəhərlərində yerləşir. Bankın ölkə üzrə 90-dək bankomat, 5000-dək POS terminal və 200-dək ExpressPay ödəniş terminalı vardır.