Rusiyalı turistlərin bu ilin may ayında ən çox ziyarət etdikləri istiqamət 52,9% ilə Türkiyə olub. Türkiyədən əlavə Rus turistlər Kipr ( 10,72%), Tunis ( 5,19%), Birləşmiş Ərəb Əmirlikləri (4,86%) və Yunanıstanı ( 4,52%) ziyarət ediblər.

Fins.az -ın Rosturizm-dən əldə etdiyi məlumata görə, Rusiyada may ayında bu il ölkə daxili turizm keçmiş illərə nisbətən ciddi artım edib. Belə ki, Rusiyada bu ilin may ayında ölkə daxili təyyarə bilet satışlarında keçən ilin müvafiq dövrü ilə müqayisədə 63% artım qeydə alınıb.

Rusiya daxilində isə may ayında ən çox ziyarət edilən istiqamətlər Soçi, Simferopol, Krasnodar, Sankt-Peterburq, Kaliningrad, Mineralnıye -Vodı, Maxaçqala, Rostov-na-Donu, Samara və Kazan olub.