İlk dəfə olaraq Şərqi Zəngəzur iqtisadi rayonundan əmanətlərin cəlb olunmasına başlanılıb.

Fins.az Mərkəzi Banka istinadən xəbər verir ki, 2024-cü ilin dekabrın 1-nə bu regiondan 392 min manat həcmində əmanət cəlb olunub. Bu əmanətlərin orta faiz dərəcəsi 1,81% təşkil edib.

Cəlb edilən vəsaitin 388 min manatı milli valyutada, 4 min manatı isə sərbəst dönərli valyutada (SDV) yerləşdirilib.

Ümumilikdə, dekabrın 1-nə Azərbaycanın regionları üzrə cəlb olunmuş əmanətlərin ümumi həcmi 14,2 milyard manata çatıb.