Finss.az - Azərbaycanda fəaliyyət göstərən bankların istehlak kredit portfelinin həcminə görə renkinqi dərc olunub. Renkinq 2025-ci ilin ikinci rübünün sonuna (30 iyun 2025-ci il tarixinə) olan vəziyyəti əks etdirir.
Siyahıya Kapital Bank liderlik edir. Bankın istehlak kredit portfeli 3 milyard 48,9 milyon manat təşkil edib.
İkinci pillədə Azərbaycan Beynəlxalq Bankı (ABB) qərarlaşıb – bankın portfeli 1 milyard 927,5 milyon manat olub. Üçüncü və dördüncü yerlərdə isə müvafiq olaraq Unibank KB (630,6 milyon manat) və Bank of Baku (623,9 milyon manat) yer alıb. İlk beşliyi Bank Respublika (332,5 milyon manat) tamamlayır.
Renkinqin son sıralarında isə Azərbaycan Sənaye Bankı (7,5 milyon manat) və Bank Melli İranın Bakı filialı (1,8 milyon manat) qərarlaşıb.
Ümumilikdə, 2025-ci ilin ikinci rübünün sonuna ölkə banklarının istehlak kredit portfelləri milyardlarla manatla ölçülür və sektor üzrə əsas pay bir neçə iri banka məxsusdur.
Azərbaycan banklarının istehlak kredit portfeli üzrə renkinqi (30.06.2025)
| Yer | Bank | İstehlak kredit portfeli (min AZN) |
|---|---|---|
| 1 | Kapital Bank ASC | 3 048 882 |
| 2 | Azərbaycan Beynəlxalq Bankı (ABB) ASC | 1 927 452 |
| 3 | Unibank KB ASC | 630 570 |
| 4 | Bank of Baku ASC | 623 910 |
| 5 | Bank Respublika ASC | 332 535 |
| 6 | Rabitəbank ASC | 329 386 |
| 7 | Azər Türk Bank ASC | 307 958 |
| 8 | Yelo Bank ASC | 292 940 |
| 9 | AccessBank QSC | 265 961 |
| 10 | Xalq Bank ASC | 251 173 |
| 11 | Expressbank ASC | 214 775 |
| 12 | TuranBank ASC | 191 838 |
| 13 | PAŞA Bank ASC | 125 227 |
| 14 | Bank VTB (Azərbaycan) ASC | 105 412 |
| 15 | Yapı Kredi Bank Azərbaycan QSC | 94 488 |
| 16 | Premium Bank ASC | 44 015 |
| 17 | Bank BTB ASC | 42 545 |
| 18 | AFB Bank ASC | 26 581 |
| 19 | Bank Avrasiya ASC | 17 169 |
| 20 | Ziraat Bank Azərbaycan ASC | 16 095 |
| 21 | Azərbaycan Sənaye Bankı ASC | 7 451 |
| 22 | Bank Melli İran Bakı filialı | 1 841 |
Fuad Mədətov
Finss.az