Finss.az - 2025-ci ilin aprel ayında Azərbaycanda istehlak qiymətləri əvvəlki ayla müqayisədə orta hesabla 0,3 faiz artıb.

Dövlət Statistika Komitəsinin məlumatına əsasən, qiymət artımı əsasən ərzaq məhsulları, içkilər və tütün məmulatları üzrə qeydə alınıb.

Statistikaya əsasən, aprel ayında qida məhsulları, içkilər və tütün məmulatları üzrə qiymətlər 0,7 faiz, xidmətlər üzrə 0,1 faiz, qeyri-qida məhsulları üzrə isə cüzi azalma – 0,1 faiz təşkil edib.

Bakı və regionlar üzrə qiymət dəyişiklikləri

Ən yüksək qiymət artımı Şirvan-Salyan iqtisadi rayonunda qeydə alınıb. Bu rayonda ümumi istehlak qiymətləri indeksi 0,6 faiz, qida məhsulları üzrə isə 1,0 faiz artım göstərib.

İkinci yerdə Dağlıq Şirvan və Gəncə-Daşkəsən rayonları qərarlaşıb – hər iki bölgədə istehlak qiymətləri 0,5 faiz bahalaşıb.

Ən az qiymət artımı və ya sabitlik müşahidə olunan bölgələr sırasında Lənkəran-Astara iqtisadi rayonu fərqlənir. Bu rayonda ümumi qiymətlərdə dəyişiklik baş verməyib (100,0), qeyri-qida məhsulları üzrə isə 1 faiz azalma qeydə alınıb.

Naxçıvan və qarabağda bahalaşma davam edir

Naxçıvan Muxtar Respublikasında qiymətlər ümumilikdə 0,4 faiz, Qarabağ iqtisadi rayonunda isə 0,4 faiz artıb. Hər iki bölgədə qida məhsulları üzrə artım daha yüksək – 0,9 faiz və 0,6 faiz təşkil edib.

Rəqəmlərlə – İqtisadi Rayonlar üzrə İstehlak Qiymətləri İndeksiləri (faizlə):

Qeyd: Şərqi Zəngəzur iqtisadi rayonu üzrə məlumatlar açıqlanmayıb.