Azərbaycan Respublikası Mərkəzi Bankı tərəfindən ASC “Xalq” Bankına investisiya xidmətləri (əməliyyatları) həyata keçirmək hüququ verən lisenziya təqdim edilib.

Finss.az AMB-yə istinadən xəbər verir ki, “Qiymətli kağızlar bazarı haqqında” Azərbaycan Respublikasının Qanununun 74-3.4-cü maddəsinə əsasən, Mərkəzi Bank tərəfindən 07 may 2025-ci il tarixində İXB-01 nömrəli müddətsiz lisenziya Açıq Səhmdar Cəmiyyəti "Xalq" Bankına təqdim olunub.

Qeyd edək ki, investisiya xidmətlərinə qiymətli kağızların alqı-satqısı, müştəri sifarişlərinin icrası, aktivlərin idarə olunması və digər maliyyə əməliyyatları daxildir. Bu addım həm də ölkənin kapital bazarlarının inkişafına dəstək məqsədi daşıyır.

Fuad Mədətov
Finss.az