Azərbaycanda sığorta bazarının inkişafı, əsasən cərimə mexanizmləri ilə əlaqəlidir.

Sığorta eksperti və www.umidsigorta.az onlayn platformasının təsisçisi Ləman Babayeva, Finss.az-a açıqlamasında bildirib ki, sığorta sahəsində ən böyük irəliləyişlər, icbari sığorta məhsulları ilə bağlı tətbiq olunan cərimə mexanizmləri ilə əlaqədar olub.

O vurğulayıb ki, cərimə mexanizminin tətbiq edildiyi məhsulların satışında müsbət artım müşahidə edilir. Əksinə, cərimə mexanizmi olmayan, könüllü sığorta məhsullarının satışında isə aşağı səviyyə qalır.

L.Babayeva həmçinin, Azərbaycanın sığorta sektorunun inkişafında obyektiv və subyektiv səbəblərin rol oynadığını qeyd edib. O, illər ərzində sığorta şirkətləri haqqında formalaşmış mənfi rəyin, xidmət keyfiyyətinin aşağı olmasının və əhalinin bu sahədə kifayət qədər məlumatsız olmasının bu sahəyə olan marağın azalmasına səbəb olduğunu söyləyib. Əlavə olaraq, əhalinin sığorta şirkətlərinə və məhsullarına olan inamsızlığının, ümumi ictimai marağın aşağı səviyyədə qalmasına yol açdığını bildirib.

Ekspertin sözlərinə görə, digər inkişaf etmiş ölkələr ilə müqayisədə Azərbaycanda sığorta mədəniyyətinin hələ tam formalaşmadığı da qeyd edilir. O, kapitalist ölkələrində sığorta mədəniyyətinin daha geniş inkişaf etdiyini, buna qarşılıq Azərbaycanda isə hələ də bu sahənin inkişafının tarixi səbəblərdən dolayı zəif olduğunu bildirib. Bu da, sığorta məhsullarına olan marağı və cəmiyyətin bu sahəyə münasibətini birbaşa şəkildə təsir edir.

L.Babayeva onu da qeyd edib ki, əhalinin sosial və maddi vəziyyəti də sığorta bazarına birbaşa təsir göstərən amillərdən biridir:

“Xüsusilə, könüllü sığorta məhsullarının satışında, vətəndaşların maddi vəziyyətinin böyük əhəmiyyət kəsb etdiyi vurğulanıb. Əhalinin sığorta haqqını ödəməkdə çətinlik çəkdiyi üçün könüllü sığortanın populyarlığının aşağıdır”.

Azərbaycanda sığorta bazarının inkişafında hələ də qarşıda bir sıra maneələr mövcuddur. Cərimə mexanizminin tətbiq olunduğu məhsulların satışında artım olsa da, sığorta mədəniyyətinin formalaşmaması, xidmət keyfiyyətinin yüksəlməməsi və əhalinin məlumatlılıq səviyyəsinin aşağı olması bu bazarın inkişafına maneə törədir. Sosial vəziyyət və maddi amillər isə könüllü sığorta məhsullarının satışını əhəmiyyətli dərəcədə məhdudlaşdırır.

Fuad Mədətov
Finss.az