Finss.az - Kriptovalyuta birjasının qurucusu və Binance-in CEO-su Çanpen Çjao, Qırğızıstan hökumətinin rəsmi müşaviri olaraq təyin edilib.

Ölkənin Prezidenti Sadır Japarov, Çanpen Çjao ilə Milli İnvestisiya Agentliyi arasında qarşılıqlı anlaşma memorandumunun imzalanmasını açıqlayıb. Bu əməkdaşlıq, Qırğızıstanda blokçeyn texnologiyası və kriptovalyuta ekosisteminin inkişafını hədəfləyir.

Çjao, hökumət məmurlarına ekspert dəstəyi verəcək, blokçeyn və rəqəmsal aktivlər üzrə məsləhətlər təqdim edəcək və təhsil proqramlarının başlatılmasında kömək edəcək. Çjao bildirib: "Bir neçə dövlətin hökumətinə kriptovalyutaların tənzimlənməsi və blokçeyn texnologiyasının tətbiqi məsələlərində məsləhət verirəm. Bu, yalnız ticarət sahəsində deyil, dövlət aparatının effektivliyinin artırılmasında da mühüm rol oynayır."

Qırğızıstan, bərpa olunan enerji mənbələrinin bolluğu ilə virtual valyutaların hasilatında böyük potensiala malikdir. Ölkə, hidroelektrik stansiyalarda istehsal olunan ucuz elektrik enerjisinin 30%-i ilə mədənçilik sahəsində geniş imkanlara sahibdir.

Qırğızıstan hökuməti, Çjao ilə əməkdaşlıq etməklə kriptovalyuta mədənçiliyini daha da inkişaf etdirməyi və yeraltı mədənçiləri "kölgədən" çıxararaq, onların ölkə büdcəsinə töhfə vermələrini gözləyir. Bunun üçün hökumət, biznesin inkişafını stimullaşdıracaq daha əlverişli qanunvericilik hazırlamağı planlaşdırır.

Bu addım, Qırğızıstanın kriptovalyuta sektorunda daha böyük bir rola sahib olma yolunda atdığı mühüm bir addımdır.