2025-ci ilin yanvar-fevral aylarında Azərbaycanda avtomobillərin icbari sığortası (NVSMMİS) üzrə yığımlar 25 milyon 70 min manat təşkil edib.

Finss.az Azərbaycan Mərkəzi Bankına istinadən xəbər verir ki, bu göstərici ötən ilin eyni dövrü ilə müqayisədə 2,4% və ya 577 min manat artıb. 2024-cü ilin yanvar-fevral aylarında icbari sığorta üzrə 24 milyon 493 min manat yığım qeydə alınmışdı.

Bu dövrdə avtomobillərin icbari sığortası üzrə ödənişlərin həcmi isə 19 milyon 830 min manata çatıb ki, bu da ötən ilin eyni dövrü ilə müqayisədə 18,4% və ya 3 milyon 80 min manat çoxdur. 2024-cü ilin ilk iki ayında bu göstərici 16 milyon 750 min manat olub.

Sığorta yığımlarına nisbətən ödənişlərin daha çox artması NVSMMİS üzrə zərərliliyi 15,6% yüksəldib. 2024-cü ilin yanvar-fevral aylarında sığorta şirkətləri topladıqları hər 100 manatdan 68,4 manatını ödənişlərə yönəltmişdi. Lakin 2025-ci ilin ilk iki ayında bu rəqəm 79,1 manata qalxıb ki, bu da avtomobillərin icbari sığortasında zərərliliyin kəskin artdığını göstərir.

Fuad Mədətov
Finss.az