Finss.az - Cümə günü Qərbi Avropanın aparıcı fond indeksləri ticarət sessiyasını azalma ilə başa vurdu.

İnvestorlar ABŞ və Avropadan gələn iqtisadi göstəriciləri və iri şirkətlərin xəbərlərini diqqətlə qiymətləndirirdi.

İndekslərin ümumi vəziyyəti:

• Stoxx Europe 600 indeksi 0,77% enərək 542,1 bəndə düşdü.

• FTSE 100 (Böyük Britaniya): 0,08% azalma.

• DAX (Almaniya): 0,96% geriləmə.

• CAC 40 (Fransa): 0,93% düşüş.

• FTSE MIB (İtaliya): 0,92% azalma.

• IBEX 35 (İspaniya): 0,84% ucuzlaşma.

Böyük Britaniya iqtisadiyyatı 2024-cü ilin dördüncü rübündə 0,1% artıb. Bu göstərici ilkin proqnozlarla üst-üstə düşüb. Eyni zamanda, fevral ayında pərakəndə satışlar 1% artaraq analitik gözləntilərini üstələyib.

Fransada istehlak qiymətləri mart ayında illik ifadədə 0,9% yüksəlib. Bu, son dörd ilin ən aşağı inflyasiya səviyyəsi olaraq qalır. İspaniyada isə inflyasiya 2,9%-dən 2,2%-ə düşüb.

Almaniyada işsizlik 6,3%-ə qalxaraq 2020-ci ildən bəri ən yüksək həddə çatıb.

ABŞ-ın Federal Ehtiyat Sistemi (FED) tərəfindən yaxından izlənilən PCE Core inflyasiya göstəricisi fevralda aylıq 0,4%, illik 2,8% artıb. Bu, FED-in faiz dərəcələrini tənzimləmək üçün nəzərə alacağı əsas faktorlardan biridir.

• Deutsche Bank AG səhmləri 2,9% gerilədi. Bank baş icraçı direktor Kristian Zevingin müqaviləsini 2029-cu ilə qədər uzatdı, lakin baş maliyyə direktoru Ceyms fon Mölkte 2026-cı ildə postunu tərk edəcəyini açıqladı. Onun yerinə Morgan Stanley-in maliyyə mütəxəssisi Radja Akram gətiriləcək.

• Commerzbank AG səhmləri 4,7% ucuzlaşdı.

• Ferrari N.V.-nin bazar dəyəri 2,6% yüksəldi. Şirkət ABŞ-da bəzi modellərin qiymətini 10% artıracağını elan edib.

• Ubisoft Entertainment səhmləri 1,8% ucuzlaşsa da, Çin şirkəti Tencent ilə tərəfdaşlıq xəbəri fonunda ticarət sessiyasında 10%-ə qədər bahalaşmışdı.