Fins.az - OpenAI, yeni təqdim etdiyi 200 dollarlıq ChatGPT Pro abunəliyində zərər etdiyini açıqlayıb.

Şirkət, bu abunəlik modelinin maliyyə çətinliklərini həll edəcəyini gözləsə də, CEO Sam Altman, istifadəçi artımı səbəbindən pul itirdiklərini bildirib.

Altman, abunə qiymətini şəxsən təyin etdiyini və plandan qazanc əldə etməyi ümid etdiklərini, amma insanların çox istifadə etməsi səbəbindən zərər yaşadıqlarını qeyd edib.

Xatırladaq ki, ChatGPT Pro, o1 Pro rejimi və Sora kimi qabaqcıl alətlərə məhdudiyyətsiz giriş təklif edir, lakin bu planın bir çox istifadəçi tərəfindən bahalı və lazımsız hesab edildiyi vurğulanır.

OpenAI 20 milyard dollar vəsait toplasa da, hələ də qazanc əldə edə bilmir.

Qiymət artımının olub-olmayacağı hələ məlum olmasa da, vəziyyət davam edərsə, belə bir addımın qaçılmaz olduğu gözlənilir.