“Microsoft”un “Windows 11” üçün buraxdığı ən son yeniləmənin bəzi kompüterlərdə problemlər yaratdığı bildirilir. KB5035853 kodlu paket bir neçə mühüm yenilik təklif etmək və əvvəlki yeniləmələrin yaratdığı problemləri həll etmək məqsədi daşıyır. Bəzi istifadəçilər mart yeniləməsini quraşdırdıqdan sonra ciddi problemlər yaşadıqlarını bildirdilər.

Fins.az xəbər verir ki, Reddit və Microsoft forumlarında istifadəçi şikayətlərinə görə, bəzi kompüterlərdə mavi ekran xətaları baş verir. Bildirilib ki, yeniləmə prosesi zamanı baş verən bu səhvlər cihaz drayverində problemlərdən xəbər verir. Lakin əlavə təfərrüatların olmaması da maraq doğurub.

Performans problemləri də yeniləmə ilə bildirildi. İstifadəçilər KB5035853-ü quraşdırdıqdan sonra sistemlərin yavaş işləməsindən və ya fasilələrlə asılmasından şikayətlənirlər. Bəzi hallarda kompüterlərin donduğu da bildirilib.

Microsoft-un dəstək sənədləri bu yeniləməni hazırda məlum problemlər sırasına daxil etməyib. Windows 11 23H2 və 22H2 üçün buraxılmış paket Android ilə inteqrasiyanı artırmaq məqsədi daşıyır. Bu kontekstdə Microsoft smartfondakı fotoşəkilləri birbaşa kompüterdən redaktə etməyə icazə verir.

Əlavə olaraq, yeniləmə ilə USB4 v2.0 daha sürətli oldu. Bildirilib ki, 80Gbps-ə qədər simli qoşulma dəstəyi əlavə edilib.

Günel Məlikzadə
Fins.az