Smartfon bazarında işini davam etdirən Realme cəbhəsində RMX3999 kod adlı sirli model üçün geri sayım başladı. Model haqqında indiyə qədər yayılan məlumatların  ortaq nöqtəsi onun orta seqmentə xitab etməsidir. Ən son hesabatlar Realme RMX3999 modelinin dizaynına işıq salır.

Fins.az xəbər verir ki, qarşıdan gələn Realme RMX3999 modeli bu yaxınlarda FCC verilənlər bazasında göründü. Siyahı smartfonun heç bir texniki xüsusiyyətini açıqlamasa da, istifadəçilərə dizayn kimi mövzularda mühüm detallar təqdim edir.

Realme RMX3999 dairəvi kamera quraşdırmasına ev sahibliyi edəcək. Üstəlik, hələ aydın olmasa da, burada üç kamera və LED flaşdan istifadə ediləcəyi gözlənilir. Cihazın ön dizaynının təsviri yoxdur. Ancaq orta seqmentə xitab edəcəyini nəzərə alsaq, delikli ekran dizaynı ilə gələcəyini söyləyə bilərik.

Smartfonla bağlı keçmiş sızıntılara baxsaq; MediaTek Dimensity 6100 Plus prosessoru ilə təchiz ediləcəyini söyləyə bilərik. 6 nm arxitektura ilə istehsal edilən çipset; 2x 2.27 GHz ARM Cortex-A76 və 6x 2.0 GHz ARM Cortex-A55 nüvələrinə əlavə olaraq Mali-G57 MC2 qrafik blokuna sahibdir.

Bununla belə, model 6,72 düymlük FHD+ təsvir ölçüsünə və 120 Hz yeniləmə sürətinə malik LCD panelə sahib olacaq. Android 14 əsaslı Realme UI 5.0 interfeysini qutudan çıxaracaq məhsul, 45 Vt doldurma sürətini dəstəkləyən 5000 mAh batareyadan istifadə edəcək.

Modelin nə vaxt təqdim ediləcəyi hələlik bəlli deyil. Lakin şirkətə yaxın mənbələrdən alınan məlumata görə, o, yaxın bir neçə ay ərzində istifadəçilərin ixtiyarına veriləcək.

Günel Məlikzadə
Fins.az