Cənubi Koreya Məhkəməsi 2015-ci ildə Samsung Electronics-in törəmə şirkətlərinin 8 milyard dollarlıq birləşməsi ilə bağlı səhmlərin qiymətində manipulyasiya və mühasibat fırıldaqlarında ittiham olunduğu Samsung Electronics-in sədri Jay Y. Lee-yə bəraət qazandırıb.

Fins.az xəbər verir ki, noyabrda keçirilən dinləmələrdə prokurorlar Linin Qiymətli Kağızlar Qanununu pozmaqda ittiham edilərək 5 il həbs və 375 min dollar cərimə olunmasını tələb etmişdilər. Cənubi Koreya prokurorları birləşmənin Liyə Koreya texnoloji nəhəngi üzərində nəzarəti təmin etməyə kömək etdiyini iddia edirdilər.

Li ittihamları rədd etdi və keçən noyabrda keçirilən məhkəmə iclasında iddia etdi ki, birləşmə və uçot prosesləri şirkətin normal idarəetmə fəaliyyətinin bir hissəsidir. Li həmçinin bildirib ki, birləşmədə heç vaxt şəxsi marağı olmayıb və heç vaxt Samsung-un törəmə müəssisəsindəki payını artırmaq üçün digər səhmdarlara zərər verməyə çalışmayıb. Prokurorların fikrincə, Samsung-un birləşmə prosesi Samsung səhmdarlarına ziyan vurub. Li eyni işin bir hissəsi olaraq Samsung-un biofarmasevtik bölməsi olan Samsung Biologics-də 3,9 milyard dollarlıq mühasibat fırıldaqçılığı etməkdə də ittiham olunurdu.

Linin vəkili bəraət hökmündən sonra verdiyi açıqlamada, "Məhkəməyə sağlam düşüncəli qərar verdiyi üçün ürəkdən təşəkkür edirəm" dedi. 

Günel Məlikzadə
Fins.az