Rusiya futbolunun veteranı Roman Pavlyuçenko, “Qarabağ”ın “Tottenhem”lə keçirəcəyi matçla bağlı fikirlərini bölüşüb. O, “Tottenhem”lə oyunda Azərbaycan çempionunun şanslarının az olduğunu qeyd edib. 

Fins.az xəbər verir ki, “Tottenhem”də də forma geyinmiş Pavlyuçenko, “Qarabağ”ın bu qarşılaşmada əlavə motivasiyaya sahib olacağını vurğulayıb: “Bu matç ‘Qarabağ’ üçün çox vacibdir. Onlar aktiv oynayaraq irəli atılacaqlar. ‘Tottenhem’lə müqayisədə ‘Qarabağ’ daha aşağı səviyyədədir, lakin İngiltərə klubunun avrokuboklarda bütün gücünü sərf edəcəyinə zəmanət yoxdur”.

Pavlyuçenko, “Hər iki komandanın qol vuracağını düşünürəm, amma ‘Tottenhem’ə asan olmayacaq” fikrini də əlavə edib. Onun sözlərinə görə, oyun həyəcanverici olacaq və nəticə birmənalı deyil.
 

Zemfira Ms
Fins.az