Koronavirus pandemiyası səbəbindən yarımçıq dayandırılan futbol üzrə Fransa çempionatı ilə bağlı qərar verilib.

Fins.az xəbər verir ki, Fransanın Baş naziri Eduar Filipp deyib ki, cari mövsüm davam etdirilməyəcək. 

Ölkədə sentyabr ayına qədər bütün idman yarışları təxirə salındığından bu cür addım atılıb. Qərar Liqa 1-lə yanaşı, Liqa 2-yə də aiddir.

Fransa Futbol Federasiyası bu yaxınlarda iclas keçirəcək və orada avrokuboklara yollanacaq komandalar müəyyənləşəcək.