İngiltərə Liqa kubokunda yarımfinal mərhələsi start götürüb.

Fins.az xəbər verir ki, ilk oyun günündə diqqətlər Mançester derbisinə yönəlib.

“Old Trafford”da “Mançester Yunayted”lə “Mançester  Siti” qarşılaşıb. Komandalar arasında ilk oyunda 4 qol vurulub. Matçın ilk 39 dəqiqəsində üç dəfə fəqlənən qonaqlar qarşılaşmanın taleyinə aydınlıq gətirib. 

Maydan sahibləri fasilədən sonra toplardan yalnız birinin əvəzini çıxaraq finala yüksəlmək üçün cüzi də olsa ümid əldə ediblər. Mançester təmsilçiləri arasında cavab matçı yanvarın 29-da baş tutacaq.

Qeyd edək ki, yarımfinalın digər cütündə “Lester”lə “Aston Villa” üz-üzə gələcək. İlk oyun yanvarın 8-də, cavab matçı isə 28-də keçiriləcək.

İngiltərə Liqa kuboku
Yarımfinal, ilk oyun
7 yanvar
“Mançester Yunayted” – “Mançester Siti” – 1:3
Reşford, 70 - Silva, 17, Mahrez, 33, Pereyra, 39 (avtoqol)