Azərbaycan millisinin futbolçusu Riçard Almeyda “Qarabağ”dan ayrılır.

Fins.az xəbər verir ki, 30 yaşlı yarımmüdafiəçi bu barədə sports.kz saytına bildirib. Ağdam təmsilçisində icarə əsasında çıxış edən Braziliya əsilli oyunçu Qazaxıstan “Astana”sı ilə 30 iyun 2020-ci ilə qədər olan müqaviləsinin qarşılıqlı razılaşma əsasında bir neçə ay öncə ləğv edildiyini söyləyib. O, “Qarabağ”dan ayrılırsınız?” sualına belə cavab verib: “Elədir ki var”.

Almeyda agentinin bir neçə klubla danışıq apardığını, lakin hələ qərar vermədiyini deyib: “Hazırda istirahətdəyəm. Mənimlə maraqlananlar arasında Qazaxıstan klubu yoxdur”.

Qeyd edək ki, 2012-ci ilin iyunundan “Qarabağ”da çıxış edən Riçard Almeyda 2018-ci ilin yayında “Astana”ya keçib. Bu ilin yanvarında isə Ağdam təmsilçisi onu 1 illik icarəyə götürüb.