Finss.az - Çin Xalq Bankının məlumatına görə, 2025-ci ilin iyun ayında ölkənin valyuta ehtiyatları 32 milyard dollar artaraq 3,317 trilyon dollara yüksəlib.

Bu göstərici 2015-ci ilin dekabrından bəri ən yüksək səviyyədir və qlobal iqtisadi vəziyyətdə Çinin mövqeyinin gücləndiyini göstərir.

İyunda yuan ABŞ dollarına qarşı 0,45% dəyər qazansa da, ABŞ dolları əsas dünya valyutaları səbətinə qarşı 2,7% azalıb. Bu isə dolların beynəlxalq bazarlarda zəiflədiyini təsdiqləyir.

Eyni zamanda, Çinin qızıl ehtiyatları iyun ayının sonunda 73,9 milyon unsiyaya çatıb ki, bu da may ayı ilə müqayisədə artım deməkdir. Çin Mərkəzi Bankı qiymətli metalların alışı ilə səkkizinci ay ardıcıl olaraq ehtiyatlarını artırır. Qızıl ehtiyatlarının dəyəri 242,93 milyard dollara yüksəlib.

Bu məlumatlar Çinin maliyyə sabitliyi və qlobal valyuta bazarındakı mövqeyi barədə vacib göstəricilər kimi qiymətləndirilir.