Avropada ciddi emissiya standartlarının tətbiqi Tesla-ya əhəmiyyətli maliyyə dividentləri gətirə bilər.
Vesti.az dünya mediasına istinadən xəbər verir ki, Ford, Stellantis və Toyota kimi avtomobil istehsalçıları müəyyən edilmiş limitləri aşmağa görə böyük cərimələrdən yayınmaq üçün Tesla ilə əməkdaşlıq imkanlarını nəzərdən keçirir.
Avropanın yeni ekoloji tələbləri elektrik avtomobillərinin satışda payının 20% civarında olmasını tələb edir. Bu standartlara əməl edilməməsi emissiyaların hər bir əlavə qramı üçün 105 dollar cərimə ilə nəticələnəcək. Bu, xüsusilə yaşıl nəqliyyat vasitələrinin istehsalında geridə qalan brendlər üçün əhəmiyyətli maliyyə itkiləri ilə nəticələnə bilər.

Belə avtomobil istehsalçıları üçün elektrikli avtomobilləri bütün ekoloji standartlara cavab verən Tesla ilə bir araya gəlmək effektiv həll yoluna çevrilir.
Analitiklər Tesla-nın ilin sonuna qədər bu cür razılaşmalardan təxminən 1 milyard dollar qazana biləcəyini proqnozlaşdırırlar. Bu, təkcə Tesla üçün sərfəli maliyyə qərarı deyil, həm də avtomobil istehsalçıları üçün itkiləri minimuma endirmək və bazarda öz nüfuzunu qorumaq üçün bir yoldur.