Finss.az - İspaniyanın enerji nəhəngi Repsol, Avropada ev tullantılarından bərpa olunan metanol istehsalına 800 milyon avrodan çox sərmayə qoyacağını açıqlayıb.
Bu sərmayə, şirkətin Ecoplanta adlı yenilikçi layihəsi çərçivəsində həyata keçiriləcək. Layihə, tullantıları bərpa olunan yanacağa və dövri məhsullara çevirmək məqsədini güdür və 2029-cu ildən etibarən fəaliyyətə başlayacaq.
Ecoplanta layihəsi çərçivəsində gələcək istehsal gücü 400 min ton tullantını emal edərək 240 min ton metanol istehsal etmək olacaq. Zavodun yerləşəcəyi Tarragona şəhərində 340 yeni iş yeri yaradılacaq, tikinti mərhələsində isə 2800 nəfər işə cəlb olunacaq.